Um Bluetooth-tengingar
Hægt er að koma á þráðlausri tengingu við önnur
samhæf tæki, svo sem farsíma, tölvur, höfuðtól og
bílbúnað, með Bluetooth.
Hægt er að nota tenginguna til að senda myndir,
myndskeið, tónlist, hljóðskrár og minnismiða,
senda skrár frá samhæfri tölvu og til að prenta
myndir með samhæfum prentara.
Þar sem tæki með Bluetooth-tækni nota
útvarpsbylgjur til samskipta þurfa þau ekki að vera
í beinni sjónlínu hvert við annað. Þau þurfa þó að
vera í innan við 10 metra (33 feta) fjarlægð hvort frá
öðru. Truflanir geta orðið á tengingunni vegna
hindrana líkt og veggja eða annarra raftækja.
Þetta tæki er samhæft við Bluetooth Specification
2.0 sem styður eftirfarandi snið: Generic Audio/
Video Distribution Profile, Advanced Audio
Distribution Profile, Audio/Video Remote Control
Profile, Basic Imaging Profile, Basic Printing Profile,
Dial-up Networking Profile, File Transfer Profile,
Hands-Free Profile, Headset Profile, Human
Interface Device Profile, Object Push Profile, SIM
Access Profile, Synchronization Profile, Serial Port
Profile og Phonebook Access Profile. Til að tryggja
samvirkni milli annarra tækja sem styðja Bluetooth-
tækni skal nota aukahluti sem eru viðurkenndir af
Nokia fyrir þessa tegund. Leita skal upplýsinga hjá
framleiðendum annarra tækja um samhæfi þeirra
við þetta tæki.
Þau forrit sem notast við Bluetooth ganga á
rafhlöðu símans og draga úr endingu hennar.
Ekki er hægt að nota Bluetooth þegar tækið er læst.