Nokia N96 - Umhirða og viðhald

Umhirða og viðhald

Í tækinu fer saman frábær hönnun og flókin tækni

sem fara þarf gætilega með. Eftirfarandi

leiðbeiningar hjálpa til við að halda tækinu í ábyrgð.

●

Halda skal tækinu þurru. Úrkoma, raki og hvers

kyns vökvar geta innihaldið steinefni sem tæra

rafrásirnar. Ef tækið blotnar skal fjarlægja

rafhlöðuna og leyfa því að þorna alveg áður en

rafhlaðan er sett í það aftur.

●

Ekki skal nota tækið á rykugum og óhreinum

stöðum né geyma það þar. Færanlegu hlutirnir

og rafrænir hlutar þess geta skemmst.

●

Ekki skal geyma tækið á heitum stað. Hátt

hitastig getur dregið úr endingu rafeindatækja,

skemmt rafhlöður og undið eða brætt sum

plastefni.

●

Ekki skal geyma tækið á köldum stað. Þegar

tækið hitnar upp að eðlilegu hitastigi getur raki

myndast innan í því og hann getur skemmt

rafrásaspjöld.

●

Ekki skal reyna að opna símann öðruvísi en

tilgreint er í þessari handbók.

●

Tækinu skal ekki henda, ekki skal banka í það eða

hrista það. Óvarleg meðferð getur skemmt innri

rafrásarspjöld og fíngerðan búnað.

Harðir diskar eru viðkvæmir og verður að

meðhöndla með gát. Öll högg, titringur, dynkir,

önnur gáleysisleg meðferð tækisins eða mikill

hiti, raki og vökvar, geta valdið því að harði

diskurinn hætti að virka og gögn glatist eða

skemmist.

●

Ekki skal nota sterk efni, leysiefni til

hreingerninga eða sterk hreinsiefni til þess að

þrífa tækið.

●

Ekki skal mála tækið. Málningin getur fest

hreyfanlega hluti tækisins og komið í veg fyrir að

þeir vinni rétt.

●

Nota skal mjúkan, hreinan, þurran klút til að

hreinsa linsur, líkt og myndavélar- og

fjarlægðarlinsur.

●

Aðeins skal nota loftnetið sem fylgir með

símanum eða samþykkt varaloftnet. Ósamþykkt

loftnet, breytingar á þeim eða viðbætur, gætu

skemmt tækið og kunna að brjóta í bága við

ákvæði laga um senditæki.

●

Nota skal hleðslutæki innandyra.

●

Alltaf skal taka öryggisafrit af gögnum sem

ætlunin er að halda, t.d. tengiliðum og

dagbókaratriðum.

184

Umhirða og viðhald